වැඩි කිරි ප්රමාණයක් ලබා ගත හැකි ගවයින් අප රටට ලබා දීමට ඉන්දීය රජයේ එකඟතාවය
පසුගිය වසරේ සිට බිඳ වැටී තිබෙන මෙරට පශු සම්පත් සංවර්ධන අංශය යළි නඟා සිටුවීම සඳහා ඉන්දීය රජයේ පූර්ණ සහයෝගය ලබා දීමට මෙරට ඉන්දීය මහකොමසාරිස් ගෝපාල් භග්ලේ මහතා එකඟත්වය පළ කර තිබෙනවා.
අවස්ථා කිහිපයක දී ඉන්දීය මහකොමසාරිස්වරයා කෘෂිකර්ම අමාත්‍ය මහින්ද අමරවීර මහතා සමග මෙම කාරණය සම්බන්ධව සාකච්ඡා කළ අතර ජනාධිපති රනිල් වික්‍රමසිංහ මැතිතුමන්ගේ ප්‍රධානත්වයෙන් පැවැති සාකච්ඡාවක දී ද මෙරට පශු සම්පත් අංශයේ සංවර්ධනය සඳහා ඉන්දීය රජයේ සහයෝගය ලබා දීමට එකඟත්වය පළ කළ බවයි කෘෂිකර්ම අමාත්‍යාංශය නිවේදනය කළේ
මෙම වැඩ පිළිවෙළ යටතේ පසුගිය 16 දින සිට අද දින (19) දක්වා ඉන්දියාවේ නවදිල්ලිහි දී පෑවත්වෙන The First Global Conference on International year of Millet සම්මන්ත්‍රණය සඳහා ශ්රී ලංකාව නියෝජනය කරමින් කෘෂිකර්ම අමාත්‍ය මහින්ද අමරවීර මහතා සහභාගි වී තිබෙනවා.
එහි දී ඉන්දියාවේ ප්‍රමුඛ කිරි හා කිරි ආශ්‍රිත නිෂ්පාදන සමාගමක් වන Mother Dairy කර්මාන්ත ශාලාව අමාත්‍යවරයා විසින් ඊයේ නිරීක්ෂණය කරනු ලැබූ බව සඳහන්
දිනකට කිරි ලීටර් ලක්ෂ 50ක් පමණ මෙම කර්මාන්ත ශාලාව ආශ්‍රිතව කිරි හා කිරි නිෂ්පාදන කර්මාන්තය සඳහා භාවිතා කරන බවයි කෘෂිකර්ම අමාත්‍යාංශය නිවේදනය කළේ..
නැවුම් එළකිරි ඉන්දීය මහජනතාවට ලබා දීම සඳහා බයිසිකල් ආශ්‍රිතව නිපදවන ලද ජංගම වෙළෙද රථ යොදා ගනිමින් ඒවා මහජනතාවට අලෙවි කිරීම සිදු කරන බවද සඳහන්.
එමෙන්ම කිරි ආශ්‍රිත නිෂ්පාදන 300කට වඩා පාරිභෝගික ජනතාවට එම සමාගම විසින් නිපදවනු ලබයි.
මෙම කර්මාන්ත ශාලාව විසින් ඔවුන්ට අවශ්‍ය කිරි ලබා ගැනීම සදහා පශු සම්පත් පාලනය සඳහා ගොවිපොළ පවා පවත්වාගෙන යනු ලබනවා
ඉන්දීය පශු සම්පත් ගොවිපොළවල දැනට භාවිතා කරන ඉහළ තාක්ෂණය මෙන්ම දැනට අපේ රටේ වැඩි කිරි ප්රමාණයක් ලබා ගත හැකි ගව විශේෂ නොමැතිවීම නිසා උසස් වර්ගයේ ගවයින් අප රටට ලබා දීමට ද ඉන්දීය රජය ඒකඟතාවය පළ කර ඇති බව අමාත්‍ය මහින්ද අමරවීර මහතා මෙම කර්මාන්ත ශාලාව නිරීක්ෂණය කිරීමට සහභාගි වෙමින් ප්‍රකාශ කළා
පසුගිය වසරේ මෙරට කිරි නිෂ්පාදන කර්මාන්තය පහත වැටීම හේතුවෙන් අප රට තුළ කිරි හා කිරි නිෂ්පාදන කර්මාන්තය සියයට 19කින් පමණ පහත වැවුණා.
විශේෂයෙන් 2021 මහ කන්නයේ රසායනික පොහොර තහනමත් සමග සත්ව ආහාර නිෂ්පාදනය පහත වැටුණා.
විශේෂයෙන් මෙරට වාර්ෂික බඩඉරිඟු අස්වැන්න 2021 මහ කන්නයේ දී මෙට්‍රික් ටොන් 90,000 දක්වා පහත වැටුණු බවද සඳහන්.
ඒ හේතුවෙන් සත්ව ආහාර හිඟයක් ඇති වූ අතර බඩඉරිඟු ආනයනය සඳහා අවශ්‍ය ඩොලර් හිඟකම ද බලපා තිබෙනවා.
නමුත් 2022 වර්ෂය අවසාන වන විට මෙරටට බඩඉරිඟු මෙට්‍රික් ටොන් 180,000ක් ආනයනය කරනු ලැබුවා
මේ නිසා ඉන්දීය රජයේ සහයෝගීතාවය මත එරට පශු පාලනය සඳහා යොදා ගන්නා උසස් තාක්ෂණය මෙන්ම වැඩි කිරි ප්රමාණයක් ලබා ගත හැකි ගවදෙනුන් මෙරටට ලබා ගැනීම සඳහා ඉන්දීය රජයේ පූර්ණ සහයෝගය ලැබෙනු ඇතැයි ද අමාත්‍යවරයා සඳහන් කළා
එමෙන්ම මෙරට රජයට අයත් සත්ව ගොවිපොළ කිහිපයක් ඉන්දීය – ශ්රී ලංකා සහයෝගිතාවය මත පවත්වාගෙන යාමට ද අවධානය යොමු කර තිබෙනවා.
The post වැඩි කිරි ප්රමාණයක් ලබා ගත හැකි ගවයින් අප රටට ලබා දීමට ඉන්දීය රජයේ එකඟතාවය appeared first on ITN News.
