ඩිජිටල් පහසුකම් සමාන ව ලබා දීමට දිස්ත්රික්ක මට්ටමින් ක්රියාකාරී සැලැස්මක්
දිවයිනේ සෑම දිස්ත්රික්කයකට ම ඩිජිටල් පහසුකම් සමාන ආකාරයෙන් බෙදී යාම සහ විෂමතාවන් අවම කර ගනිමින් ඵලදායී ඩිජිටල් සංවර්තනයක් ඇති කිරීමට අවශ්ය උපාය මාර්ග හඳුන්වා දීමට ස්ථාපිත කරන ලද දිස්ත්රික් ඩිජිටල් සංවර්තන කමිටු (District Digital Transformation Committee) සඳහා ක්රියාකාරී සැලැස්මක් සකස් කර තිබෙනවා.
දිස්ත්රික් ඩිජිටල් සංවර්තන කමිටු මේ වන විට දිවයිනේ දිස්ත්රික්ක 21ක ස්ථාපිත කර අවසන් අතර දිස්ත්රික්කයේ ඩිජිටල් සංවර්තනය සම්බන්ධයෙන් බලපාන ගැටලු හඳුනා ගෙන ඒ සඳහා උපාය මාර්ග ක්රියාත්මක කිරීම මෙම කමිටුව මඟින් සිදු කරනු ලබනවා.
කෑගල්ල දිස්ත්රික් ඩිජිටල් සංවර්තන කමිටුව සඳහා මෙම ප්රථම ක්රියාකාරී සැලැස්ම සැකසීම තාක්ෂණ රාජ්ය අමාත්ය කනක හේරත් මහතාගේ ප්රධානත්වයෙන් කෑගල්ල දිස්ත්රික් ලේකම් කාර්යාල ශ්රවණාගාරයේ දී සිදු කෙරුණා.
දිස්ත්රික් ලේකම්වරයා සහ ප්රාදේශීය ලේකම්වරුන් සමඟ සාමාජිකයින් තිස් දෙනෙකුගෙන් මෙම ක්රියාකාරී කමිටුව සමන්විත වන අතර උසස් අධ්යාපන ආයතන, වෘත්තීය පුහුණු ආයතන, ආයෝජන ප්රවර්ධන මණ්ඩලය, අපනයන සංවර්ධන මණ්ඩලය, ජාතික තරුණ සේවා සභාව ඇතුළු ආයතනවල නියෝජිතයන් මෙන් ම තොරතුරු තාක්ෂණ ක්ෂේත්රයේ ප්රවීණයන් හා නිදහස් තොරතුරු තාක්ෂණවේදීන් ඒ අතර වෙයි. ඔවුන්ගේ අදහස්, යෝජනා ඒකරාශී කර ගනිමින් මෙම ක්රියාකාරී සැලැස්ම සකස් කර තිබෙනවා.
රාජ්ය පරිපාලන, ස්වදේශ කටයුතු, පළාත් සභා සහ පළාත් පාලන අමාත්යංශය, තාක්ෂණ අමාත්යංශය සහ ශ්රී ලංකා තොරතුරු හා සන්නිවේදන තාක්ෂණ නියෝජිතායතනය (ICTA) මෙම ක්රියාකාරී සැලැස්ම සකස් කිරීමට දායකත්වය ලබා දී
තිබෙනවා.
විශේෂයෙන් ම ශ්රී ලංකාවට ඩිජිටල් ආර්ථිකයක ප්රතිලාභ අත් කර ගැනීම සඳහා දිස්ත්රික්කය තුළ පදනම සකස් කිරීමට ඉවහල් වන කරුණු ද මෙම ක්රියාකාරී සැලැස්මට එක් කර ඇති බවද සඳහන්.
මෙම ක්රියාකාරී සැලැස්ම එළිදැක්වීමේ අවස්ථාව ඇමතූ තාක්ෂණ රාජ්ය අමාත්ය කනක හේරත් මහතා .
“ඩිජිටල්කරණය හරහා රාජ්ය සේවාව බල ගැන්වීමටත් ශක්තිමත් කිරීමටත් හැකියි. ඒ සඳහා පියවර රැසක් ගෙන තිබෙනවා. දැනට තිබෙන ජාතික හැඳුනුම්පත වෙනුවට ඩිජිටල් හැදුනුම්පතක් ලබා දීමේ මූලික කටයුතු මේ වන විට ආරම්භ
කර තිබෙනවා. ඉන්දීය රජය ඒ සඳහා මුදල් ආධාර ලබා දී තිබෙනවා. රාජ්ය සේවාවන් සඳහා මුදල් ගෙවීම් ඉ-ගෙවීම් වශයෙන් පමණක් සිදු කිරීමට පියවර ගන්නා ලෙස ජනාධිපතිතුමා දැනුම් දී තිබෙනවා. ඒ සඳහා නියමු ව්යාපෘතියක් ඉතා නුදුරේ දී ම ආරම්භ කරනවා.
අද අපට තිබෙන තවත් අභියෝගයක් තමයි තොරතුරු තාක්ෂණ ක්ෂේත්රයට අදාළ ශ්රමිකයින් හිඟ වීම. දත්ත තමයි අද වටිනා ම සම්පත. ඒවා රැක ගැනීමත් අභියෝගයක්. සයිබර් ආරක්ෂක පනත ගේන්නේ මෙවැනි අභියෝග ජය ගැනීමටයි. ”
ශ්රී ලංකා තොරතුරු හා සන්නිවේදන තාක්ෂණ නියෝජිතායතනයේ ප්රධාන විධායක නිලධාරී මහේෂ් පෙරේරා මහතා එහි දී මෙසේ පැවසීය. “ජනතාව ශක්තිමත් කරමින් රටේ තිරසර සංවර්ධනය ඇති කිරීමේ අරමුණෙන් තමයි ජනාධිපතිතුමා ඩිජිටල් ශ්රී ලංකා 2030 රට හමුවට ගෙනැවිත් තිබෙන්නේ.
ඒ අරමුණ සාර්ථක කර ගැනීමට නම් කාරණා කිහිපයක් ඉෂ්ට කර ගත යුතු වෙනවා. ඒ තමයි පැහැදිලි වැඩපිළිවෙළක් වගේ ම එහි ප්රතිලාභ දිවයින පුරා ගෙන යන යාන්ත්රණයක් සකස් කිරීම. දිස්ත්රික් ඩිජිටල් සුදානම් දර්ශකයත් ඊට පහසුවක් වේවි. ඒ වගේ ම නිවැරදි කළමනාකරණයකුත් තිබිය යුතුයි.
The post ඩිජිටල් පහසුකම් සමාන ව ලබා දීමට දිස්ත්රික්ක මට්ටමින් ක්රියාකාරී සැලැස්මක් appeared first on ITN News.