74 වන සංවත්සරය වෙනුවෙන් යුද හමුදා නිලධාරීන්ට උසස්වීම්

ශ්‍රී ලංකා යුද හමුදාවේ 74 වන සංවත්සරය වෙනුවෙන් ශ්‍රී ලංකා යුද හමුදාවේ නිලධාරීන් 314 දෙනෙකුට සහ සෙසු නිලයන් 1,565 දෙනෙකුට උසස්වීම් ලබාදී තිබෙනවා.

ආරක්ෂක අමාත්‍යාංශයේ නිර්දේශ මත ජනාධිපති රනිල් වික්‍රමසිංහ මහතා සහ යුද හමුදාපති ලුතිනන් ජෙනරාල් විකුම් ලියනගේ මහතා විසින් අදාළ උසස්වීම් ලබා දී තිබෙනවා.

ඒ අනුව එම නිලධාරීන් පිරිස ඔවුන්ගේ ඊළඟ නිලයට උසස් කර ඇති බවයි යුද හමුදාව සඳහන් කළේ.

මේජර් ජෙනරාල් නිලයට බ්‍රිගේඩියර්වරුන් 07ක්, බ්‍රිගේඩියර් නිලයට කර්නල්වරුන් 12ක්, කර්නල් නිලයට ලුතිනන් කර්නල්වරුන් 37ක්, ලුතිනන් කර්නල් නිලයට මේජර්වරුන් 41ක්, මේජර් නිලයට කපිතාන්වරුන් 50ක් (මේජර්වරුන් ඇතුළුව) ලුතිනන්වරුන් 84 දෙනෙකු කපිතාන් නිලයට (ක්වාටර් මාස්ටර් ඇතුළුව) සහ දෙවන ලුතිනන්වරුන් 83 දෙනෙකු ලුතිනන් (සාමාන්‍ය බලසේනාව සහ ස්වේච්ඡා බළකා) නිලයට උසස් කර තිබෙනවා.

The post 74 වන සංවත්සරය වෙනුවෙන් යුද හමුදා නිලධාරීන්ට උසස්වීම් appeared first on ITN News.