ශ්රී ලංකාවේ කුළුබඩු සන්නාම අන්තර්ජාතික වෙළෙඳපොළ තුළ ප්රචලිත කිරීම සඳහා UNIDO සහාය
ශ්රී ලංකාවේ කුරුඳු, ගම්මිරිස්, එනසාල්, සාදික්කා වැනි කුළුබඩු සඳහා පවතින සන්නාමයන් ජාත්යන්තර වෙළෙදපොළ තුළ ප්රචලිත කිරීම සඳහා අවශ්ය සියලු සහයෝගය ලබා දීමට එක්සත් ජාතීන්ගේ කාර්මික සංවර්ධන සංවිධානය පසුගියදා (28) කෘෂිකර්ම හා වැවිලි කර්මාන්ත අමාත්යාංශයට දැනුම් දුන්නා.
මේ පිළිබඳ සාකච්ඡාවක් කෘෂිකර්ම අමාත්යාංශයේ දී පැවැත්වුණා.
කෘෂිකර්ම හා වැවිලි කර්මාන්ත අමාත්ය මහින්ද අමරවීර මහතාගේ ප්රධානත්වයෙන් පැවැති මෙම සාකච්ඡාවට ලෝක වෙළෙඳ සංවිධානයේ උපදේශක Mr. Melvin Spreij, UNIDO සංවිධානයේ Jairo Andres Villamil Diaz (International Senior Specialist), Mr. juan Pablo Diaz- Castillo ( Industrial Development Officer) ඇතුළු නිලධාරින් පිරිසක් සහභාගි වුණා.
මෙහිදී අදහස් පළ කළ කෘෂිකර්ම හා වැවිලි කර්මාන්ත අමාත්ය මහින්ද අමරවීර මහතා මේ වනවිටත් ශ්රී ලංකාවේ කුළුබඩු සඳහා ලෝකයේ විශාල ඉල්ලුමක් පවතින බවත්, අප රටේ කුළුබඩුවල ගුණාත්මකභාවය රැක ගැනීම සඳහා රජය ලෙස සියලු පියවර ගෙන ඇති බවත් සඳහන් කළා.
එමෙන්ම යහ කෘෂිකාර්මික පුරුදු ගොවි ජනතාවට ලබා දීම සඳහා වැඩපිළිවෙළක් අරඹා ඇති බවත් මෙම වසර තුළ ඒ සඳහා පුහුණු වැඩ සටහන් රැසක් අරඹා ඇති බව ද සඳහන් කළා.
මෙහිදී අදහස් පළ කළ UNIDO නියෝජිත පිරිස ශ්රී ලංකාවේ කුරුඳු හා ගම්මිරිස් සඳහා ලෝකය තුළ පවතින ඉහළ ඉල්ලුම විශිෂ්ට බවත්, එම තත්ත්වය තවදුරටත් පවත්වා ගැනීම මෙන්ම අන්තර්ජාතික ප්රජාව තුළ ශ්රී ලංකා කුළුබඩු සන්නාමයන් ව්යාප්ත කිරීම සඳහා සියලු සහයෝගය එක්සත් ජාතීන්ගේ සංවිධානයට සම්බන්ධ කාර්මික සංවර්ධන සංවිධානය වශයෙන් UNIDO සංවිධානය ලබා දෙන බව ද සඳහන් කළා.
The post ශ්රී ලංකාවේ කුළුබඩු සන්නාම අන්තර්ජාතික වෙළෙඳපොළ තුළ ප්රචලිත කිරීම සඳහා UNIDO සහාය appeared first on ITN News.