ඒ.ටී.ආරියරත්න මහතාගේ අවසන් කටයුතු ලබන සෙනසුරාදා
මෙරට විශාලතම රාජ්ය නොවන සංවිධානය වන සර්වෝදය ව්යාපාරයේ නිර්මාතෘ අභාවප්රාප්ත ආචාර්ය ඒ.ටී.ආරියරත්න මහතාගේ දේහය පිළිබද අවසන් කටයුතු ලබන සෙනසුරාදා සිදු කිරීමට නියමිතයි.
ආරියරත්න මහතාගේ දේහය මහජන ගෞරවය සදහා අනිද්දා පස්වරු 1 දක්වා මොරටුව රාවතාවත්ත සර්වෝදය මූලස්ථානයේ තැන්පත් කර තැබීමට නියමිතයි. එදින පස්වරු 1.30 සිට පස්වරු 4 දක්වා නිදහස් චතුරස්ර පරිශ්රයේදී දේහයට අවසන් ගෞරව දැක්විය හැකියි.
1931 වසරේ උපත ලැබූ ඒ.ටී ආරියරත්න මහතා ගාල්ල මහින්ද විද්යාලයේ ආදි ශිෂ්යයෙකු වනවා. කොළඹ නාලන්දා විද්යාලයේ ගුරුවරයෙකු ලෙස සේවය කළ ආරියරත්න මහතා සර්වෝදය ව්යාපාරය බිහි කිරීම සදහා මූලික අඩිතාලම දමන්නේ එම කාලය තුළයි.
ඒ අනුව ආරම්භ කෙරුණු සර්වෝදය ව්යාපාරය දශක 06 ක් පුරා මෙරට ජනතාවගේ උන්නතිය වෙනුවෙන් ක්රියාකාරීව කටයුතු කළා.
ග්රාමීය සමාජ හා මානව සංවර්ධනය සදහා විශිෂ්ඨ මෙහෙවරක් කළ සර්වෝදය ව්යාපාරයේ ක්රියකාරිත්වය වෙනුවෙන් ඒ.ටී.ආරියරත්න මහතා මැක්සයිසේ සම්මානයට ද පාත්ර වුණා.
එමෙන්ම ඒ මහතා ජනතාව වෙනුවෙන් කළ කැපකිරීම් අගයමින් ජාතික හා ජාත්යන්තර සම්මාන රැසක් ද හිමිකර ගත්තා.
මෙරට ඉහළම ජාතික සම්මානය වන ශ්රී ලංකා අභිමාන්ය සම්මානය 2007 වසරේදී ඒ මහතා වෙත පිරිනැමෙන අතර 1982 වසරේ බොඩෝඉන් රාජ්ය සම්මානය ද හිමි වන්නේ සාමය හා මානව යහපැවැත්ම සදහා ඔහු කළ දායකත්වය අගයමින්.
අභාවප්රාප්ත ඒ.ටී.ආරියරත්න මහතාගේ දේහය පිළිබද අවසන් කටයුතු රාජ්ය ගෞරව සහිතව 20 වන සෙනසුරාදා පස්වරු 4ට කොළඹ නිදහස් චතුරස්ර පරිශ්රයේදී සිදු කිරීමට නියමිතයි.
The post ඒ.ටී.ආරියරත්න මහතාගේ අවසන් කටයුතු ලබන සෙනසුරාදා appeared first on ITN News.