මුම්බායි දැන්වීම් පුවරුව 14කට දිවි අහිමි කරයි
ඉන්දියාවේ මුම්බායි නගරයේ දැවැන්ත දැන්වීම් පුවරුවක් කඩා වැටීමෙන් පුද්ගලයින් 14 දෙනෙකු ජීවිතක්ෂයට පත්වුණා.
දැන්වීම් පුවරුව කඩාවැටීම හේතුවෙන් තවත් පුද්ගලයින් 60 දෙනෙකු පමණ තුවාල ලබා ඇති බවයි වාර්තා වන්නේ.
මුම්බායි නගරයට ඊයේ සවස 3ට පමණ බලපෑ දූවිලි කුණාටු තත්ත්වය සමග මෙම දැන්වීම් පුවරුව කඩාවැටීමට ලක්වන අයුරු මාධ්ය වාර්තා කළා.
එය කඩාවැටීමට ලක්ව ඇත්තේ අසල තිබු ඉන්ධන පිරවුම්හලක් හා නිවාස කිහිපයක් මතටයි.
ඊට යටව සිටි 80 දෙනෙකු පමණ බේරා ගැනීමට සහන කණ්ඩායම් සමත්වුණා.
මෙම දැන්වීම් පුවරුව මීටර් 70ක පළලින් හා මීටර් 50ක උසින් යුතු බවයි මුම්බායි පොලීසිය සදහන් කරන්නේ.
මුම්බායි නගරයට බලපෑ දූවිල කුණාටු තත්ත්වය හේතුවෙන් ගස් කඩාවැටීමත් සමග නගරයේ ප්රදේශ රැසකට විදුලිබලය ඇණහිටියා.
එමෙන්ම මුම්බායි ගුවන් තොටුපල වෙත පැමිණෙමින් තිබූ ගුවන් යානා රැසක් ආපසු හරවා යැවීමට ද බලධාරීන් ඊයේ සන්ධ්යාවේ කටයුතු කළා.
The post මුම්බායි දැන්වීම් පුවරුව 14කට දිවි අහිමි කරයි appeared first on ITN News.